Անի ռեզորթ հյուրանոցային համալիր

«Անի» ռեզորթ հյուրանոցային համալիրը գտնվում է Երևանից 55 կմ հեռավորության վրա` Հանքավանի գեղատեսիլ անտառների գրկում: Այս տարածքի բնությունը վաղուց հայտնի է իր կենարար և բուժիչ հատկություններով, ինչի մասին են վկայում տարբեր տարիներին կառուցված առողջարանները: Հայտնի է, որ Հանքավանի աղբյուրների ջրերն իրենց քիմիական կազմով ոչնչով չեն զիջում եսենտուկյան ջրերին: Հանքավանում հաջողությամբ բուժվում են ստամոքսի, աղիքների, լյարդի, լեղապարկի և բազմաթիվ այլ հիվանդություններ:

«Անի» հանգստյան տունը կառուցվել է նախկին «Էրեբունի» առողջարանի վայրում` բավականին բարձրադիր լեռան վրա: Պահպանելով անցյալի լավագույն ավանդույթները` մենք նպատակ ունենք լիարժեք կազմակերպել մեր հյուրերի հանգիստը: Լեռնային թարմ, մաքուր օդը և Դալար գետի կարկաչը, շրջակա կանաչապատ սարերն ու սպիտակ սոճիների պուրակը, հարմարավետ սենյակներն ու հյուրանոցային լավագույն պայմանները կնպաստեն Ձեր կատարյալ լիցքաթափմանն ու հանգստին: Հյուրանոցին կից գործում է կաթսայատուն, թոնրատուն, լվացքատուն: Առաջիկայում պատրաստ կլինի նաև սեփական ֆերման, որտեղ կարտադրվեն գյուղ-մթերքներ:

Կարևորելով ընտանեկան հանգիստը` «Անի» հյուրանոցային համալիրն ապահովել է բոլոր պայմանները, որպեսզի ընտանյոք հանգիստն անցնի խաղաղ և ջերմ մթնոլորտում:

Աշխատաժամանակը՝ հյուրերի ժամանումը՝ 12.00, մեկնումը՝ մինչև 14.00
Վճարման եղանակները՝ Վիզա
Մատուցվում է՝ Նախաճաշ
Առկա է՝ Անվճար Wi-Fi ինտերնետ
Սենյակներ/սրահներ՝ Լյուքս սենյակներ
Սենյակում կա՝ Լոգարան

Մեկնաբանություններ

Կարծիք գրառել