Օրանժ Արմենիա

Ֆրանս Տելեկոմ Խմբի անդամ Օրանժ Արմենիան Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից:

Ընկերությունը Հայաստանում 2009թ. և 2010թ. կատարել է համապատասխանաբար 140 մլն եվրոյի և ավելի քան 50 մլն դոլարի ներդրումներ և արդեն ապահովում է բջջային կապի ու լայնաշերտ շարժական ինտերնետի հասանելիությունը Հայաստանի 600 քաղաքներում և գյուղերում։ Orange-ի ցանցն այսօր ամենաընդարձակն է Հայաստանում և ծածկում է բնակչության ավելի քան 95% տոկոսը:

Orange-ը Հայաստանում մեծ ընտանիք է` իր 350-ից ավելի աշխատակիցներով, ֆրենչայզինգի մոդելով աշխատող խանութների մոտ 260 աշխատակիցներով և անուղղակիորեն ստեղծված մյուս աշխատատեղերով. մոտ 700 հոգի ներկայումս ուղղակի կամ անուղղակի կերպով աշխատում է Orange-ի գործունեության տարբեր ոլորտներում: Orange-ի աշխատակիցների 48%-ը կանայք են, իսկ 52%-ը` տղամարդիկ:

Ընկերությունն իր գործունեության միայն առաջին ամսում գրանցեց ձայնային ծառայությունների 100 000-րդ բաժանորդի մուտքը, իսկ 2010թ. վերջին Orange-ն արդեն ուներ 500 000 ակտիվ բաժանորդ:

Orange-ը Հայաստանում հանդես է գալիս որպես նորարար բրենդ` իր գործունեության կարճ ժամանակահատվածում երկրում առաջնորդելով մի շարք նորարարություններ, ինչպես HD ձայնի ներդրումը, որով Հայաստանը դարձավ այս տեխնոլոգիային տիրապետող երկրորդ երկիրն աշխարհում, մինչև 14.4 Մբ/վ արագությամբ լայնաշերտ ինտերնետ և այլն, որոնք նպատակ ունեն համաշխարհային տեխնոլոգիական նվաճումները հասանելի դարձնել Հայաստանում բնակչության հնարավորինս մեծ մասին: Orange-ն առաջին օպերատորն էր, որը կազմակերպեց 4G տեխնոլոգիաների հանրային փորձարկում և ցուցադրություն` հնարավորություն տալով բոլոր հետաքրքրվողներին շոշափել LTE տեխնոլոգիան: Orange-ը Հայաստանում նաև խթանեց սմարթֆոնների շուկայի զարգացումը` առաջինը ներկայացնելով iPhone-ը, Android համակարգով HTC սմարթֆոններ, և հատուկ առաջարկների շնորհիվ դրանք հասանելի դարձնելով մեծաթիվ սպառողների: Orange-ը ներկայացնում է նաև BlackBerry լուծումը Հայաստանում:

Orange-ն առաջին և դեռևս միակ օպերատորն է Հայաստանում, որը ներդրել է բացառապես արևի էներգիայով աշխատող, էկոլոգիապես մաքուր բջջային կայան: Արևային բազային կայանների կառուցումը Orange-ի` շատ ավելի ընդարձակ «կանաչ» ռազմավարության կարևորագույն և խորհրդանշական մասն է և նպատակ ունի կրճատել Խմբի կողմից CO2-ի արտանետումերը և էներգիայի օգտագործումը:

Orange Արմենիայի նպատակն է դառնալ Հայաստանի հեռահաղորդակցության շուկայում հզոր դերակատար` մատուցվող ծառայությունների բարձր որակի, նորարար առաջարկների, ճկուն գնային քաղաքականության և վաճառքի ու սպասարկման լայն ցանցի շնորհիվ: Ընկերությունն իր բաժանորդներին է առաջարկում նորագույն տեխնոլոգիաների վրա հիմնված լավագույն ծառայություններ, ինչպես նաև աշխարհի հինգ մայրցամաքներում իր ծավալած գործունեության մասնագիտական փորձն ու գիտելիքները:

ՕՐԱՆԺԻ ՄԱՍԻՆ

Orange-ն աշխարհում հեռահաղորդակցության առաջատար օպերատորներից մեկի` Ֆրանս Տելեկոմ Խմբի հիմնական ապրանքանիշն է: Orange ապրանքանիշով Խումբն այսօր ինտերնետի, հեռուստատեսության և շարժական հեռախոսակապի ծառայություններ է մատուցում իր գործունեության երկրների մեծ մասում և սպասարկում է մոտ 131 միլիոն բաժանորդի: 2009թ. վերջին Խմբի վաճառքը կազմել է շուրջ 44,8 միլիարդ եվրո (33.7 միլիարդ եվրո` 2010թ. առաջին ինն ամիսների ընթացքում): 2010թ. սեպտեմբերի 30-ին Խումբն ուներ 203 միլիոն հաճախորդ 32 երկրում, որոնցից 144.5 միլիոնը շարժական հեռախոսակապի բաժանորդներ են, իսկ 13.3 միլիոնը` գերարագ ինտերնետի (ADSL, FTTH) բաժանորդներ ողջ աշխարհում: Orange-ը բջջային հեռախոսակապի և գերարագ ինտերնետի հիմնական մատակարարներից է Եվրոպայում, ինչպես նաև, Orange Բիզնես Ծառայությունների միջոցով, ձեռնարկություններին հեռահաղորդակցության ծառայություններ մատուցող աշխարհի առաջատար օպերատորներից մեկը:

Orange-ի նոր` «Conquests 2015» ծրագիրն ուղղված է ընկերության աշխատակիցներին, հաճախորդներին, բաժնետերերին, ինչպես նաև հասարակությանը, որտեղ գործունեություն է ծավալում ընկերությունը և ներառում է գործողությունների կոնկրետ պլաններ: Այս ծրագրի շրջանակներում ընկերությունը ստանձնել է պարտավորություններ, որոնք իրենց արտահայտումն են գտել ընկերության կողմից որդեգրած նոր տեսլականում. մարդկային ռեսուրսների ոլորտում նոր մոտեցումներ, ցանցային ենթակառուցվածքի զարգացում, որի վրա է հիմնվելու Խմբի հետագա աճն ու զարգացումը, Խմբի հավակնությունը` առաջարկել հաճախորդներին բարձրակարգ սպասարկում, մասնավորապես շնորհիվ իր ծառայությունների բարելավված որակի, ինչպես նաև արագ միջազգային զարգացման:

Ֆրանս Տելեկոմը (NYSE:FTE) գրանցված է Փարիզի Եվրոնեքսթ /Ա բաժին/ և Նյու Յորքի արժեթղթերի շուկաներում:

Մեկնաբանություններ

Մեկ արձագանք “Օրանժ Արմենիա” էջի մասին

Կարծիք գրառել