Բյուրականի Սուրբ Հովհաննես եկեղեցի

Բյուրականի կենտրոնում է գտնվում Սբ. Հովհաննես եկեղեցին: Այս ճարտարապետական հուշարձանը 9×21.5 մետր չափերով, միանավ բազիլիկ տիպի եկեղեցի է:

Ավանդաբար եկեղեցու կառուցումը վերագրվում է Հովհաննես  Ե․ Դրասխանակերտցի կաթողիկոսին (898-929 թթ.), սակայն կան լուրջ հիմքեր համարելու, որ  եկեղեցին կառուցվել է նշված ժամանակից էապես վաղ: Ա. Ա. Մանուչարյան հիմնավորում է, որ Բյուրականի Սբ Հովհաննեսը չի կարող լինել Հովհաննես կաթողիկոսի կառուցածը, այլ պետք է լինի Հայաստանի հնագույն եկեղեցիներից մեկը, որը  «վերաշինվել է 7-րդ դարում և բազմիցս  նորոգվել հետագայում»: